芯駖@COLLAR自爆初戀男友高大靚仔 發現偷約女仔罰守行為一年

女子組合COLLAR成員李芯駖早前亮相由森美、劉翁、火火主持的商台節目《公子會》，暢談初戀話題，問到擇偶條件，她笑說：「我好膚淺，會揀高大靚仔，我比較鍾意有自己諗法嘅人，有特別嘅個人之處。」

同場加映：好聲好戲丨蘇韻姿隻身來港下苦功甩鬼妹口音 自責未能陪伴媽媽：我情願佢鬧我

{{hket:ul-video id="6463"}}{{/hket:ul-video}}

{{hket:inline-image name="284247561_710389320204498_4260468943132832429_n.jpg"}}{{/hket:inline-image}}

提到第一個男朋友，芯駖表示發生在高中，「佢都係高大靚仔，同班同學，中學嘅時候...梗係好多諗法，好sweet，可以好長久。後來發現對方未玩夠，當時用緊Xanga，有得同人傾偈，發現一啲對話，發現佢約女仔，雖然冇成功約出嚟，但對話係唔尋常，『你唔肯出，不如約去隱蔽啲嘅地方吖』！我即刻發脾氣攤牌，同佢講我接受唔到，呢個男朋友都好鍾意我，又要生要死，佢話自己一時鬼揞眼。」火火說：「佢高大靚仔，約個女仔出嚟約唔到？畀你發現之後，佢仲要生要死？有冇咁懦弱嘅高大靚仔呀？」森美即笑說：「我咪就係嗰種囉！」

{{hket:inline-image name="302137926_1918539598341556_2119636204303422580_n.jpg"}}{{/hket:inline-image}}

我哋係COLLAR丨芯駖放下偶包與Marf泥漿摔角 Candy嘲「狼死」：好似兩隻野獸【下一頁】

面對男友的不忠，芯駖未有完全放棄，讓對方「守行為」，「佢話改過自新，好有誠意，佢等咗我一年，每日都接我返學放學，又陪我去補習，時時喺我身邊...不過我哋冇拖手，冇情侶咁相處，因為我哋已經分咗手，但佢話等我，等到我肯一齊番為止。」

So Ching鼓勵男友阿Mo別放棄 疑「師妹團」DOLLAR誕生：Coming Soon【下一頁】

一年來，男方無時無刻都在身邊，芯駖坦言有一刻深受感動，「我哋係一齊番一日，之後發現...都係唔好喇！因為一年喇，佢忍唔住同咗另一個女仔一齊...我同有啲唔開心，『你又話等我嘅？但你又同另一個一齊』...」森美笑說：「你真係夠膽死，你拖咗人一年喎大佬！」芯駖解釋：「佢出軌吖嘛！跟住佢話『我即刻同佢分手』，咁佢同個女仔分手。其實呢件事好詭異，佢同嗰個女仔一齊，嗰個女仔將佢出軌件事話畀我知...我覺得咁奇怪...我同個男仔一齊咗一日，我搵唔番嗰種感覺嘞！有條刺，成日覺得佢會再出軌。」自此之後，兩人沒再聯絡，她升上大學後，隔了一、兩年遇上第二個，「我一跳舞就全心跳舞，好少理其他嘢，日跳夜跳，跳到冇晒時間，上咗軌道先會諗拍拖。」

此外，芯駖最近在ViuTV節目《深宵更》，體驗各種深宵工作，早前她學做點心，做見習點心師，見她拉腸粉、包蝦餃都做得有板有眼。而昨晚播出的一集，她轉到主題樂園擔任見習樹藝師，學習修剪植物。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】